Áigemuddu: 12:00–16:30
Bistu: 4,5 diimmu (oktan 30 min bottuin)
Dán bargobájis duddjojit oassálastit sámi giehtabáttiid sisttis ja bargiduvvon datneárppus. Bargobáji jođihit Oslo Sámiid Duoji bagadallit, geat muitalit man mávssolaš lea diđolaččat ja fuolalaččat geavahit luondduávdnasiid, ja makkár mearkkašupmi das lea go olmmoš guoddá sámi symbolaid.
Bargobájis duddjon giehtabátti oažžu geavahit maiddái olmmoš geas alddes ii leat sámi gullevašvuohta. Goarrun- ja duddjonovdamáhttu ii dárbbašuvvo go áigu oassálastit bargobádjái.
Gáffe, goikebiergu ja vegána molssaeavttut guossohuvvojit.
Bargobádji galgá leat oadjebas dáhpáhusbáiki buohkaid várás. Vealaheaddji, loavkideaddji ja vaššás dadjosat ja láhttemat eai dohkkehuvvo. Váldde oktavuođa ovttain min lágidanvásttolaččain, juos vásihat juoidá mii dovdo unohas dahje eahpeheivvolaš.
Oslo Sámiid Duodji lea báikkálaš searvi duoji oahppama ja duddjoma várás Oslos. Searvi bargá lasihit dieđu ja máhtu duoji hárrái semináraid, ságastallamiid, gurssaid ja bargobájiid bokte. Searvvi bagadallit leat oahppásat Oslo bonju birrasii, ja sii fállet oadjebas lanja gos oassálastit besset oahppat eambbo duoji birra sámi ja bonju oktavuođas, ja suokkardit sin iežaset oktavuođa duodjái.
Giitu Garmeresii sin ipmárdusa ja veahki ovddas dán gaskkustanprošektii.
Dát bargobádji lea oassi SOLO OSLO:s, ráidu mas leat Oslos bargi dáiddáriid ja gaskkusteddjiid oktočájáhusat ja gaskkustanprošeavttat, maid Talent Norge ja Canica leat dorjon.
Bilde: Arnhild Haagensen & Tatjana Korpus
