Áigemuddu: 12:00-14:00
Bistu: 2 diimmu
Dán bargobájis muitala Admir Batlak mo son bargá teknihkaiguin ja goarrunlassireaidduiguin iežas ođđa oktočájáhusas MUNCH:s. Batlak hállá čájáhusa ja iežas dáiddalaš ovdanbuktima ja doaimma birra, ja oassálastit ožžot vejolašvuođa buorebut oahpásmuvvat dáiddárii, gii lea movttiidahttán dán bargobádjeráiddu dahkat.
Bargobájis besset oassálastit dahkat sin iežaset tekstiilageahččaladdamiid. Batlak buktá bargobádjái áigeguovdilis ávdnasiid válljenmuni, man oassálastit besset friddja geavahit dán ulbmilii. Goarrunovdamáhttu ii dárbbašuvvo go áigu oassálastit bargobádjái.
Gáffe, goikebiergu ja vegána molssaeavttut guossohuvvojit.
Bargobádji galgá leat oadjebas dáhpáhusbáiki buohkaid várás. Vealaheaddji, loavkideaddji ja vaššás dadjosat ja láhttemat eai dohkkehuvvo. Váldde oktavuođa ovttain min lágidanvásttolaččain, juos vásihat juoidá mii dovdo unohas dahje eahpeheivvolaš.
Admir Batlak (riegádan 1982, Mostaris Bosnia-Herzegovinas) lea dán jagáš SOLO OSLO-dáiddár. Son lihkada russengiettis mii leai bivttasmálle, skulptuvrra ja installašuvnna gaskkas, ja son atná liktenruovddi deaŧalaš bargoreaidunis. Batlak diktá iešguđetlágan čujuhusaid ja ávdnasiid ovttas doaibmat bargguinis, ja suokkarda dáinna lágiin gažaldagaid smáhka, ideálaid ja identitehta.
Giitu Garmeresii sin ipmárdusa ja veahki ovddas dán gaskkustanprošektii.
Dát bargobádji lea oassi SOLO OSLO:s, ráidu mas leat Oslos bargi dáiddáriid ja gaskkusteddjiid oktočájáhusat ja gaskkustanprošeavttat, maid Talent Norge ja Canica leat dorjon.
Bilde: Jannik Abel og Norske Billedkunstnere 2020
