Áigemuddu: 12:00-16:30
Bistu: 4,5 timer
Bures boahtin bargobádjái man vuođus leat ođđasit ávkkuheapmi, duodji (árbevirolaš sámi giehtaduodji ja dáiddaduodji), sámegiella, bonjuvuohta ja searvevuohta. Anna-Stina Svakko muitala sámi biktasiid symbolaid ja govastagaid birra, gullevašvuođa birra, ja mo biktasiidda sáhttá bidjat sámi iešlági ja mihtilmasvuođa. Fertetgo mii jorgut biktasiid jagi 2023, suodjalussan dahje dáistalussan?
Mii bivdit oassálastiid váldit mielddiset biktasiid mat galget ođđasit hábmejuvvot bargobájis. Sáhttá leat jáhkka dahje báidi. Goarrunovdamáhttu ii leat dárbbašlaš go áigu oassálastit, muhto lea ovdamunni.
Gáffe, goikebiergu ja vegána molssaeavttut guossohuvvojit.
Bargobádji galgá leat oadjebas dáhpáhusbáiki buohkaid várás. Vealaheaddji, loavkideaddji ja vaššás dadjosat ja láhttemat eai dohkkehuvvo. Váldde oktavuođa ovttain min lágidanvásttolaččain, juos vásihat juoidá mii dovdo unohas dahje eahpeheivvolaš.
Anna-Stina Svakko (riegádan 1967 Gironis), ássá Borjosis, Ruoŧa beali Sámis. Son čađahii meašttirreivve duojis/sámi giehtaduojis ja dipma ávdnasiin jagi 1991, ja bargá árbevirolaš dujiin, sámi bivttasmálliiguin, gávttiiguin ja ođđaáigásaš sámi designain. Son jođihii vuosttaš bonju gáktegoarrungurssa Norgga beali Sámis jagi 2022.
Giitu Garmeresii sin ipmárdusa ja veahki ovddas dán gaskkustanprošektii.
Dát bargobádji lea oassi SOLO OSLO:s, ráidu mas leat Oslos bargi dáiddáriid ja gaskkusteddjiid oktočájáhusat ja gaskkustanprošeavttat, maid Talent Norge ja Canica leat dorjon.
